Rusiyanın Ermənistandakı hərbi bazasında genişmiqyaslı təlimlər başlayıb

Bakı. 23 iyul. REPORT.AZ/ Rusiyanın Ermənistandakı hərbi bazasında üç mindən çox hərbçinin iştirakı ilə taktiki təlimlər başlayıb.

“Report” TASS-a istinadən xəbər verir ki, məlumatı Rusiyanın Cənub Hərbi Dairəsi yayıb. 

İyulun 28-dək davam edəcək təlimlərə təxminən 500 texnika, o cümlədən hava hücumundan müdafiə, qırıcı və pilotsuz aviasiya cəlb olunub.

Hərbi bazadakı motoatıcı, tank, kəşfiyyat, artilleriya və mühəndis bölmələri təlimlərin keçirildiyi “Kəmhud” və “Alagöz” poliqolnlarına istiqamətlənib. Avtomobil və zirehli maşınların hərəkəti zamanı birləşmələr şərti düşmənin hava hücumundan müdafiəsi üzrə tapşırıqları yerinə yetirir.