Madaqaskarda təyyarə qəzaya uğrayıb, ölənlər var

Bakı. 19 iyun. REPORT.AZ/ Madaqaskarın paytaxı Antananarivdə kiçik təyyarə qəzaya uğrayıb.

„Report“ TASS-a istinadən xəbər verir ki, bu barədə „Reuters“ə ölkənin Mülki Aviasiya İdarəsindən bildirilib.

Məlumata görə, hadisə dağlıq ərazidə qeydə alınıb. „Madagascar Trans Air“ hava şirkətinə məxsus „Piper PA-31“ təyyarəsinin qəzaya uğraması nəticəsndə 5 nəfər həlak olub. 

Hadisənin başvermə səbəbi hələ müəyyənləşdirilməyib.