Heydər Əliyev Beynəlxalq Aeroportunda logistika qovşağının yaradılması tezləşdirilə bilər

Bakı. 2 noyabr. REPORT.AZ/ Heydər Əliyev Beynəlxalq Aeroportunun ərazisində logistika qovşağının (hab) yaradılması məsələsinə yaxın gələcəkdə baxılacaq, mülki aviasiyanın inkişafı istiqamətində bir sıra əhəmiyyətli tədbirlər həyata keçiriləcək. 

“Report” xəbər verir ki, bu, 2019-cu ilin büdcə zərfində öz əksini tapıb.

Qeyd edək ki, “Xüsusi iqtisadi zonalar haqqında” və “Ələt azad iqtisadi zonası haqqında” qanunlara uyğun olaraq, Bakı Dəniz Limanında, eləcə də ölkənin digər regionlarında xüsusi rejimli zonaların, o cümlədən azad iqtisadi zonaların, logistik mərkəzlərin təşkil edilməsi, burada yüklərin çatdırılması və izlənməsi üzrə virtual ekspedisiya xidmətlərinin göstərilməsi əsasında ticarətyönümlü emal istehsal güclərinin yaradılması nəzərdə tutulur.